Këto vendime pritet t’i marrë Qeveria Hoti gjatë mbledhjes së sotme

Qeveria Hoti në ora 12:00 do të mbajë mbledhjen e tretë të rregullt ku pritet që të marrë vendim për hapjen e kufirit me Shqipërinë.

Për afro tre muaj kufiri Kosovë-Shqipëri ishte mbyllur shkaku i përhapjes së virusit COVID-19.

Sot, në orën 12, Qeveria e Kosovës pritet të marrë vendim për të hequr të gjithë pengesat për qarkullim të lirë ndërmjet dy shteteve.

Qeveria e Kosovës, një ditë më parë, vendosi edhe për heqjen e reciprocitetit me Serbinë, me çka i hapi rrugë dialogut me palën serbe.

Veç kësaj, në Kosovë, prej të hënës largohen të gjitha masat tjera të vendosura më parë, duke përfshirë lirinë e qarkullimit dhe rikthimi në normalitet.