Kim Kardashian është shpallur “Mashkulli i vitit” nga revista GQ, ku u shfaq në kopertinën e re të revistës, e veshur me kostum, me flokët e lagur, makeup sa më natyral dhe një qese Cheetos në duar.
“Përshëndetje! Unë jam mashkulli i vitit në GQ!”, shkroi Kim Kardashian në Instagram duke publikuar edhe disa foto me një stil mashkullor.
Teksa foli për karrierën e saj, ajo tregoi dashurinë e saj për sipërmarrjen dhe atë që mësoi nga babai i saj, avokati i ndjerë Robert Kardashian Sr.
Kohët e fundit, marka e Kim, Skims, lançoi produktet e para të veshjeve për meshkuj.
Ajo shpjegoi për revistën se “interesimi” i saj për veshjet e meshkujve ishte frymëzuar nga babai i saj, i cili vdiq në vitin 2003 në moshën 59-vjeçare.
