Pa pikë morali, lëre që pleqnia, rrudhat dhe lodhja gjykohen ashpër nga shoqnia dhe nga mediat;
Lëre që ekziston një numër frikshëm i madh i shqiptarëve gerontofobë, që kanë frikë irracionale nga plakja dhe averzion e urrejtje për pleqninë.
E lëre ti që mosha për shqiptarët është ‘turp’ dhe ‘dështim’.
E që me qenë plak ose plakë do të thotë për shqiptarët ‘vdekje’, por edhe shteti i ndëshkon, sikurse gazetat, që kurrë nuk mirren me pleq, veç me seks bomba derisa ato të shpërthejnë.
Portalet të bëjnë horë, ta shkatërrojnë jetën nëse ta hetojnë një rrudhë.
Në Kosovë, pleqtë ‘vriten’ për çdo gjashtë muaj, shteti i detyron të lajmërohen në zyrat e vendit për të dëshmuar që janë gjallë, për pesë pare pension.
Shtet i Ri që i urren pleqtë.
Pa kurrfarë morali.
P.S. Plus kujtojnë se ‘robi plaket kur do vet’