Kina ka mbajtur anën e Serbisë, mes tensioneve të cilat po zhvillohen në veri të Kosovës.
“Kina e ka vëmendjen e plotë” në eskalimin e tensioneve dhe përplasjeve mes ushtarëve të KFOR-it dhe protestuesve serbë, ka thënë Mao Ning, zëdhënëse e Ministrisë së Punëve të Jashtme.
“Kina mbështet përpjekjet e Serbisë për të mbrojtur sovranitetin dhe integritetin e saj territorial dhe kundërshton veprimet e njëanshme të ndërmarra nga institucionet e përkohshme të vetëqeverisjes në Prishtinë”, ka thënë Mao, citon e përditshmja kineze, Global Times.
Mao tha se Pikini “bën thirrje për zbatimin e marrëveshjes për formimin e Asociacionit të komunave me shumicë serbe” ndërkaq i ka kërkuar NATO-s “të respektojë sovranitetin dhe integritetin territorial të vendeve përkatëse”.
Për të tretën ditë me radhë, serbët në Zveçan, Leposaviq dhe Zubin Potok po protestojnë kundër kryetarëve të rinj shqiptarë të këtyre komunave./Reporteri.net/
In response to escalating tension in #Kosovo and clashes between #NATO soldiers and Serb protesters, Chinese Foreign Ministry spokesperson Mao Ning said China pays close attention to relevant developments, supports Serbia's efforts to safeguard its sovereignty and territorial… pic.twitter.com/KwnFD4eK8F
— Global Times (@globaltimesnews) May 30, 2023
