Komisioni i Venedikut i është përgjigjur Kryeministrit në detyrë, Albin Kurti në lidhje me kërkesën për opinion në raport me kompetencat e Presidentit.
Këtë e ka bërë të ditur qeveria në detyrë e cila ka thënë se se Komisioni ka vlerësuar që të respektojë vendimmarrjen e Gjykatës Kushtetuese.
“Pasi Gjykata Kushtetuese ka marrë vendim për vendosjen e masës së përkohshme deri më 29 maj, duke e pezulluar veprimin e Dekretit të Presidentit, dhe meqë Gjykata po e trajton këtë çështje, Komisioni ka vlerësuar që të respektojë vendimmarrjen e Gjykatës Kushtetuese, pasi veçse ka vepruar. Ne e mirëpresim sugjerimin e Komisionit për të respektuar e pritur shqyrtimin e kërkesës dhe vendimin e Gjykatës Kushtetuese.
Pas trajtimit nëse shihet nevoja për sqarime shtesë dhe ndihmë për opinion nga Komisioni, do të ndërmarrim hapat e nevojshëm”, thuhet në njoftim./zeri