Komuna e Deçanit ka dalë me reagim pas raportimeve se një zyrtar i Komunës së Deçanit është arrestuar, nën dyshimet për marrje ryshfeti.
Nga komuna kanë deklaruar se personi i arrestuar është nëpunës i Ministrisë së Brendshme dhe nuk ka lidhje me Komunën e Deçanit.
“Njoftojmë opinionin publik dhe gjithë qytetarët e Deçanit dhe të Republikës së Kosovës, se i dyshuari, H.I., (viti i lindjes 1964, mashkull kosovar), nënpunës në Qendrën e Regjistrimit Civil – Deçan, nuk është punëtor i Institucionit të Komunës së Deçanit por njësisë së veçantë të kësaj Qendre, që vepron nën kompetencat e Ministrisë së Punëve të Brendshme dhe se Komuna e Deçanit nuk ka asnjë përgjegjësi për funksionimin apo administrimin e kësaj Qendre, sepse ata menaxhohen nga MPB-ja dhe ndarja e përgjegjësive është e qartë, madje ata kanë edhe objektin e tyre të veçantë të punës”.
Tutje në reagim thuhet se i dyshuari punon në Komunën e Junikut tash e një kohë.
“Gjithashtu me aq sa jemi të informuar nga kjo Qendër, i dyshuari H.I. ka një periudhë kohore që është transferuar në pozitën e njëjtë në Komunën e Junikut!”.
