Brian Austin Green ka konfirmuar se është ndarë nga bashkëshortja Megan Fox.
Ka javë që ka spekulime se çifti kishte krizë në raport dhe se po karantinoheshin veçmas. Atëherë, vetëm disa ditë më parë, Megan u pa nën shoqërinë e reperit Machine Gun Kelly.
Brian thotë se që nga fundi i vitit 2019, ai dhe Megan “vërtet kanë provuar të ndahen”.
“Unë do ta dua gjithmonë atë,” tha Brian (përmes Us Weekly).“Dhe unë e di që ajo gjithmonë do të më dojë mua dhe unë e di për sa i përket një familje ajo që kemi ndërtuar është vërtet e lezetshme dhe vërtet e veçantë”.
Pavarësisht ndarjes, Brian thotë se ai dhe Megan planifikojnë të “bëjnë akoma pushime familjare dhe pushime si familje dhe fokusi të jetë tek fëmijët”.
