Arkeologët izraelitë gjatë ditës së sotme kanë njoftuar gjetjen e dhjetëra fragmenteve në Detin e Zi që mbanin tekste biblike që u zbuluan në një shpellë në shkretëtirë e që besohet se ishte fshehur gjatë revoltës hebreje kundër Romës gati 1 mijë e 900 vjet më parë.
Fragmentet e pergamenës mbajnë vargje të tekstit grek nga libri i Zechariah-së dhe Nahumit dhe janë radiokarbonizuar në shekullin e 2 të erës tonë, sipas Autoritetit Izraelit të Antikiteteve.
Ato janë fragmentet e para të gjetura nga ekskavimet arkeologjike në shkretëtirën në jug të Jerusalemit qe 60 vjet, shkruan ABC.
Pjesët e reja besohet se i përkasin një seti fragmentesh të pergamenave të gjetura në vendin e quajtur “Shpella e Tmerrit” – i emëruar për 40 skeletet njerëzore të gjetura gjatë ekskavimeve në vitet ’60. Shpella ndodhet në një kanion të humbur në Shkretëtirën Judeane në jug të Jerusalemit.
Fragmentet besohet të jenë fshehur në shpellë gjatë Revoltës së Bar Kochba-s, një kryengritje e armatosur hebreje kundër Romës gjatë sundimit të Perandorit Hadrian, mes viteve 132 dhe 136 të Erës Tonë.
