Ditët në izolim kosovarët po i kalojë në mënyra të ndryshme, disa prej tyre u janë rikthyer edhe lojërave të vjetra të fëmijërisë.
Një lojë është shënjuar në memorien e të gjithë fëmijëve që kanë lindur në vitet e 90-ta. Por tani ajo është rikthyer sërish.
Derisa tekonologjia po kontrollon gjithçka, fëmijët e ditëve të sotit nuk luajnë më jashtë. Ata nuk mbajnë mend disa nga lojërat që dikur ishin argëtimi i vetëm i fëmijëve, transmeton Reporteri.net.
Vitet e 90-ta ishin kohë kur fëmijët luanin me klikerë. Kjo lojë përpos që luhej jashtë në lagje mund të luhej edhe brenda në shtëpi, ku me një tavllë duhani improvizohej vrima e cila nevojitej për të luajtur këtë lojë me sfera qelqi.
Shumë kosovarë gjatë ditëve në izolim kanë publikuar fotografi duke e sfiduar njëri-tjetrin me këtë lojë. Ata tani po ua mësojnë këtë edhe fëmijëve të tyre.