Kosovarja e mahnit jurinë e ‘The Voice of Finland’, ngritën në këmbë për ta duartrokitur

Argjenda Aliu, 16 vjeçare, është bërë pjesë e “The Voice of Finland”.

Ajo interpretoi mahnitshëm këngën ‘Yours’ të këngëtares së njohur, Ella Henderson. Juria në fund është ngritur në këmbë duke duartrokitur këtë këngëtare të re.

Së bashku me skenën, ajo arriti edhe të kaplonte zemrat e publikut, duartrokitjet e së cilëve dëgjoheshin furishëm në transmetimin e sotshëm në “The Voice of Finland”.

Mësuesja e saj, Teuta Kurti, ka thënë se është e lumtur me këtë sukses.

“E lumtur e lumtur e lumtur  Argjenda bëre që të kthehen të gjithë pjestarët e jurisë, kemi rrugë të gjatë për të bërë. Të dua“, ka shkruar Kurti në rrjetet sociale.