Përbërësit:
200 ml qumësht i vakët
2 vezë
450 gr miell
15 gr tharm buke
1 lugëz sheqer
vaj
1 lëvore limoni
kripë
vaj per skuqje
Për mbushjen:
100 gr arra të bluara
1 grusht rrush i thatë/stafidhe
sheqer pluhur
Tharmin e bukës trazojeni në pak qumësht, shtoni sheqerin, vezët, pak vaj, lëvoren e grirë në rende të një limoni, pak miell, kripë. Përziejini mirë këto të gjitha e më pas shtoni gradualisht pjesën e mbetur të miellit duke krijuar një topth të butë brumi. Brumin lëreni të dyfishojë në masë. Pas kësaj, ngjisheni edhe një herë e lëreni të pushojë sërish. Pastaj hapeni në një petë me trashësi prej 0.5 cm e nxirrini krofnet sipas formave të dëshiruara. Tek arrat e bluara shtoni pak sheqer, rrush të thatë dhe pak qumësht. Trazojini mirë. Me këtë mbushje, mbusheni njërën krofne e mbulojeni me petën e krofnes tjetër. Mbyllini mirë krofnet, që të mos u rrjedh mbushja. Renditini në një enë më të thellë dhe mbulojini me qese. Vajin ngroheni në një tenxhere të thellë dhe aty skuqini krofnet e përgatitura derisa të marrin një ngjyrë të mirë. Pas skuqjes vendosini në letër kuzhine, ndërsa para servimit, spërkatini me sheqer pluhur. Ju bëfshin mirë.