Qeveria Hoti, po i numëron ditët e fundit. Një qeveri që nisi mirë me disa procese dhe vazhdojë tepër keq me norma dështimi për rimëkëmbje ekonomike.
Qeveria që vjen nga LDK dështoi ta menaxhojë pandeminë dhe ekonominë e vendit. Premtoi shumë e nuk dha asgjë. Gjendjen sociale e solli nga mundësia e rimëkëmbjes ekonomike, në ekzistencë ekonomie gjithë popullore.
Avdullah Hoti duke e pas një shef të papërgjegjshëm parlamentar të grupit të vet Arben Gashi, nuk mundi t’i kaloi inatet politike për të bashkëpunuar me PDK-në.
Konkretisht Bedri Hamza, ekspert ekonomik në vend dhe ish ministër i financave, i dha mundësinë qeverisë Hoti, ta kaloi krizën duke i vënë në dispozicion të ekonomisë, bizneseve dhe familjeve paratë e buxhetit, por Avdullah Hoti u tregua tepër kokëfortë,
Kryeministri nuk deshi ta ketë për vete PDK-në, pa marrë parasysh se ata i premtuan bashkëpunim nga opozita.
Sot, qeveria Hoti e ka sjellë vendin dhe veten para kolapsit .Duke mos e kaluar asnjë ligj të pakos ekonomike, se le më pakon e plotë, po e jep shqelmin e fundit.
Avdullah Hoti, deshi të bëhet i madh përmes dialogut me Serbinë, duke u treguar adoleshent i vërtetë në mosnjohjen e Serbisë.
Pak kush ka mundur dhe mundet në këtë vend të flasë për njohje reciproke me Serbinë e kësaj kohë, si Avdullah Hoti .
Çdo kund e tha dhe po vazhdon ta thotë duke e përsëritur njohjen e Kosovës nga Serbia, diçka që nuk është as afër rendit të ditës në Serbi.
Madje, kur edhe vetë BE dhe ndërmjetësuesit për dialogun Kosovë-Serbi, Miroslav Lajcak, shpreh hapur bindjen se nuk ka marrëveshje përfundimtare mes dy shteteve, Avdullah Hoti , është i vetmi që shpreson në njohje nga Serbia.
Kryeministër, njihe pak më shumë Serbinë. Në mos tjetër, pyeti bashkëfshatarët e tuaj, banorët e Krushës së Madhe e të Vogël prej nga vjen edhe ti, e të cilët , e njohin Serbinë çfarë është ose askush tjetër. Safet Krivaca /Kosovarja /
