Ndonëse, numri i marrëveshjeve me Serbinë sillet në rreth 40 sosh, disa prej tyre janë zbatuar pjesërisht, disa fare por asnjë marrëveshje me Serbinë,nuk është zbatuar mbi 50%, edhe pse ato janë arritur dhe nënshkruar me BE-në si mbikëqyrëse e zbatimit në terren.
Biseda e fundit e kryeminsirtit të Kosovës, Avdullah Hoti me presidentin e Serbisë Vuçiq duhet të bëhet transparente në Kuvendin e Kosovës, ashtu sikur ka kërkuar z.Hoti që të raportojë para deputetëve , se çka është folur me Vuçiqin. Presidenti, Hashim Thaçi është ai që ka qenë dhe është më së shumti në ngjarje me temat që janë trajtuar me Serbinë dhe ekipi i Thaçit, pasi të raportojë kryministri në parlament, duhet të vlerësojnë nëse janë hapur tema të bisedave teknike , apo nëse është prekur agjenda që çon në njohje reciproke.
Megjithatë , pas takimit me kryeministrin e Kosovës Avdullah Hotin,Vuçiq e tha për mediet serbe tekstualisht kështu:
“Ne jemi të lumtur që kemi arritur ta kthejmë bisedën në nivel teknik…” ka thënë Vuçiq para mediave në Beograd.
Kryeministri i Kosovës, duhet të jetë i saktë dhe transparent në atë që është folur dhe ekipi i mëparshëm kosovar duhet analizuar përmbajtjen e bisedës së Hotit me Vuçiqin dhe të krahasojë nëse vërtetë është kthyer dialgu në nivel teknik dhe nëse duhet ndërruar orientimi dhe përmbajtja e bisedave.
Kryeministri i Kosovës duhet të bashkëpunojë me pararendësit e tij që të jetë plotësishtë i informuar me atë që është folur dhe arritur deri më tani me Serbinë.
Biseda e çdo takimi nën mbikëqyrjen e Lajqakut dhe Borellit, në fund do të hidhet në letër si marrveshje e shkruar, tek BE- vetëm do t’ua prezantojë palëve si diçka të gatshme.
Nga takimi që ende nuk dihet saktë, se çka është folur, pa u raportuar në Kuvendin e Kosovës, kryeministri duhet të jetë bashkëpunues, ashtu sikur të tjerët që janë në opozitë, që duhet t’i ofrohen kryeministrit për ta ndihmuar orjientimisht , se çka duhet folur dhe cka nuk duhet të diskutohet me Vuçiqin.
Nuk mjafton që Avdullah Hoti të deklarojë vazhdimisht se “unë do t’i zhvillojë bisedat me Serbinë si kryeministër “,por ai duhet ta kompletojë ekipin për të qenë në nivel të detyrës, sepse në pyetje është shteti .
Nuk mjafton as për opozitën që vetëm ta kritikojnë kryemnistrin e Kosovës për biseda me Vuçiqin , por ata duhet të ofrojnë bashkëpunim dhe bashkërendim me të parin e qeverisë për bisedime me Serbinë.
Dicka mund të ishte bërë më mirë dhe ajo çka mund të bëhej ishte, se nuk ka qenë e këndshme të mbahej takimi Hoti – Vuçiq në Bruksel derisa Presidenti i Kosovës merrej në pyetje në Hagë dhe ky takim mund të shtyhej pasi të merrej në pyetje Thaçi.
Opozita në kuvend, o duhet të bashkëpunojë me Avdullah Hotin, o duhet ta çojë vendin në zgjedhje të reja duke kërkuar mocion mosbesimi ndaj qeverisë Hoti.
Ndryshe nuk kanë kuptim bisedimet me Serbinë, ku qeverisë aktuale i mungon bashkëpunimi me opozitën. Safet Krivaca