Kurti: Kosova humbi një thesar kombëtar, trashëgimia artistike e Petrovcit do të mbetet e gjallë

Kryeministri i Kosovës, Albin Kurti, ka shprehur dhimbjen dhe respektin e tij për ndarjen nga jeta të aktorit, regjisorit dhe pedagogut të shquar, Enver Petrovci.

Ai e cilësoi atë si një figurë të rrallë, që me mendimin e kthjellët, humorin dhe lirinë e shprehjes, frymëzonte çdo takim e bisedë.

Kurti kujtoi kontributin e Petrovcit si themelues i Teatrit “Dodona” dhe i Shkollës së Aktrimit, si profesor në degën e aktrimit të Universitetit të Prishtinës, si dhe rolet e tij të paharrueshme në teatër e film.