Kryeministri Albin Kurti ka zhvilluar takim me kryetarin e Partia Demokratike e Kosovës (PDK), Bedri Hamza, ku u diskutua për çështjen e zgjedhjes së presidentit të vendit.
Pas takimit, Kurti deklaroi se nuk ka pasur ndonjë kandidat konsensual me PDK-në.
Megjithatë, ai e konsideroi pozitive faktin që PDK të ketë kandidatin e saj për postin e presidentit.
Kreu i Lëvizja Vetëvendosje (LVV) sqaroi se, në mungesë të një propozimi konsensual të pranueshëm ndërmjet partive, do të ketë propozime partiake.
“Kur s’ka mundësi për marrëveshje politike, për propozim konsensual, atëherë do të kemi propozime partiake, që do të merren vesh shpejt. Shkoj edhe kjo e shtunë e ditës së fundit të muajit shkurt, pa emra konkret”, tha ai.
Kurti tha se s’kanë arritur të gjejnë një emër deri më tani.
Ai përmendi që nesër do të mbahet mbledhja e Këshillit të Përgjithshëm të LVV-së, gjatë së cilës do të diskutohet edhe çështja e presidentit.
“LVV është subjekti më i madh në Kosova e pasluftës dhe nuk e kemi të vështirë të gjejmë kandidatë. Besoj se vështirësia nuk është të gjejmë kandidatin, por hapat që na presin në vijim. Uroj që sa më shpejt ta kalojmë këtë sfidë dhe ta zbatojmë programin qeverisës”, deklaroi Kurti.
Procesi për zgjedhjen e presidentit mbetet çështje kyçe për funksionimin institucional dhe stabilitetin politik të vendit.
