20 vjeçari, Shkëlqim Shillova sonte ka humbur jetën në rrethana të dyshimta në rrugën “Skender Matallari” në Prishtinë.
Për këtë kanë njoftuar edhe familjarët në rrjetet sociale.
“Të Allahut jemi dhe tek ai do të kthehemi, sot u nda nga jeta vëllau ynë, Shkëlqim Shillova. Allahu e mëshiroftë e shpërbleftë me xhenetin Firdeës”, ka thënë një familjar i tij.
Ky rast është cilësuar nga Policia e Kosovës si “ Vdekje të dyshimtë”.
“Rreth orës 18:00 është raportuar për një person të shtrirë në tokë në rrugën “Skender Matallari” në Prishtinë. Me të marrë informatën policia ka dalë në vendin e ngjarjes, duke ftuar aty edhe ekipin mjekësor dhe njësitet e tjera te nevojshme policore.
Aktualisht policia rastin është duke e trajtuar si vdekje te dyshimtë dhe ka filluar një hetim, lidhur me rrethanat qe karakterizojnë këtë ngjarje”, ka bërë të ditur për Indeksonline, zëdhënësi i Policisë së Kosovës për Rajonin e Prishtinës, Agron Borovci.
