Gazeta Sinjali raportoi sot për një incident që ka ndodhur në Blaq të Dragashit, ku një 35-vjeçar e ka sulmuar fizikisht një person, pasi i njëjti dyshohet se ia ka ngacmuar seksualisht vajzën e tij 10-vjeçare. Rasti dyshohet se ndodhi të mërkurën dhe u zbulua pas rastit të sulmit.
Burimet brenda Prokurorisë kanë bërë me dije se i dyshuari për ngacmimin seksual të vajzës së mitur është Qlirim Hajredini, 24-vjeçar, i cili është arrestuar dhe tashmë ndodhet nën masën e ndalimit policor
Sinjali mëson se pasi palët kanë dhënë deklaratat para hetuesve policorë, e mitura është dërguar në spital për ekzaminimet e nevojshme.
Ndërsa edhe ndaj babait të viktimës, V.M., 35-vjeçar, i cili dyshohet se i ka shkuar te shtëpia të dyshuarit tjetër, ku e ka rrahur, kanë nisur hetimet.
Lidhur me incidentin, Prokurori i Shtetit ka urdhëruar inicimin e rastit për veprën “Lëndim i lehtë trupor”.
Shënim: Personat e apostrofuar në këtë artikull prezumohen të pafajshëm derisa fajësia e tyre të mos provohet me vendim të formës së prerë nga gjykata.
