Familja e Eglantin Qorraj, një djalë i mitur nga Carrabregu i Deçanit, ka bërë thirrje për ndihmë në gjetjen e tij, pasi ai është zhdukur të shtunën në mëngjes.
Sipas familjes, i mituri nuk është në gjendje të mirë shëndetësore, çka shton shqetësimin për sigurinë e tij. Ata kanë kërkuar bashkëpunimin e qytetarëve dhe institucioneve për ta gjetur sa më shpejt.
Për rastin është njoftuar edhe Policia e Kosovës, e cila ka filluar hetimet për gjetjen e të miturit.
“Ankuesi kosovar ka raportuar se, djali i tij i mitur, i cili ka probleme shëndetësore ka dalë nga shtëpia dhe nuk dihet vendndodhja e tij. Lidhur me rastin është informuar edhe prokurori, ndërsa njësitet policore janë duke hetuar rastin”, thuhet në njoftimin zyrtar të policisë.
Autoritetet kanë bërë thirrje që kushdo që ka informacione për vendndodhjen e të miturit të kontaktojë menjëherë Policinë e Kosovës.
