Po llogaritet ndër legjislaturat më të dobëta që ka pasur Kuvendi i Republikës së Kosovës dhe po llogaritet qeveria më e dobët që ka pas shteti ndonjë herë.
Këta deputetë shkojnë në kuvend jo për ta përfillur dhe zbatuar rendin e ditës, por për t’u sharë e ofenduar mes vetes dhe për t’i treguar muskujt partiakë.
Deri para pak kohësh shefi i grupit parlamentar të LDK-së Arben Gashi, deklarohej se Qeveria Hoti i ka numrat për ta kaluar secilin ligj pa probleme, por nuk po del ashtu , shihe – për më shumë se 10 senaca parlamentare që kanë të bëjnë me ligjin për rimëkëmbjen ekonomike.
Shtizat po thyhen pikërishtë për këtë pako, ku tri partitë e mëdha kanë shfaqur ide për rimëkëmbje, ndërsa PDK ka propozime konkrete, që pakoja ekonomike të votohet edhe për biznese në mënyrë që shteti të jetë i fortë edhe në vitin 2021.
Qeveria Hoti po këmbëngulë ta votojë vetëm tërheqjen e 10% të trustit pensional nga qytetarët, dicka që nuk e nxjerr vendin nga kriza, në kohën kur shtetet e BE-së po e japin pakon e katërt, e te ne nuk është dhënë as e para plotësishtë.
Pra, ky parlament, nuk po e zbaton rendin e ditës. Për këtë legjislativ më e rëndësishme është të shahen e ofendohen mes vete, se sa të mendojnë për popullin.
Deputetët shkojnë, nënshkruajnë praninë dhe ikin prej aty duke e lënë parlamentin pa kuorum.
Për vete i marrin mëditjet, pagat dhe pak kush prej tyre nuk është biznesmen apo milioner, ndërkohë që me popullin tallen edhe për paratë e trustit që nuk janë më shumë se ta zbusin sadopak krizën familjare.
Deputetët e Parlamentit të Kosvovës, po tallen me popullin. Këtu nuk ka dilema as koment. Shahen mes vete, ofendohen, shtyhen, rrahen fizikisht, por për popullin nuk mendon askush prej tyre.
Ky parlament, ose duhet të shpërbëhet dhe vendi të shkojë në zgjedhje të reja, ose duhet të kompletohet qeveria duke e marrë
njërën prej partive të mëdha VV ose PDK për ta ndryshuar gjendjen dhe për t’i kaluar ligjet në mënyrë që populli të jetë përfituesi ashu sic e ka thënë kryeministri se, deri në muajin tetor do t’i nxjerr në popull mbi 800 milonë euro për rimëkëmbje ekonomike.
Partitë politike që janë në skenë për momentin, janë fiksuar pas pushtetit dhe postit të presidentit, duke e futur në pazare votën qytetare. Safet Krivaca /Kosovarja/
