Lëkundje të lehta tërmeti janë ndier në Shqipëri

Lëkundje të lehta tërmeti janë ndier mëngjesin e sotëm në Durrës, Tiranë e zonat përreth.

Tërmeti i parë është regjistruar rreth orës 06:40 të së hënës, ndërsa ka qenë me magnitudë 3,3 i shkallës rihter.

Epiqendra e tërmetit ka qenë 14 kilometra në veri të Durrësit.

Pak minuta më pas, është regjistruar edhe një tjetër lëkundje më e lehtë, me magnitudë 2,5 i shkallës rihter në të njëjtën zonë.