Lindita Elshani është nga fshati Sopije e komunes së Suharekes, por që prej vitesh jetojn dhe vepron në Zvicër, afër Lenzburgut në kantonin Aargau.
Sot, është një grua jashtëzakonisht punëtore, e këndshme dhe me një talent mahnitës në përgatitjen e tortave të shijshme dhe kreative.
Në faqen e saj në Instagram lindas_kuchen_welt_ Linda prezanton punën e saj, të cilen më shumë e konsideron si hobi.
“Përgatitjen e ëmbëlsirave dhe ushqimit e kam pasur gjithmonë pasion, mirëpo kam bëre gjithmon vetëm për familjen time, ndërkaq me torta ja fillova para pesë vitesh, pas divorcit me ish-in tim, i cili më bënte presion. Fëmijët e vrenin që isha e mërzitur dhe rash në depresion. Një ditë, vajza më sygjeroj të nisja me torta, duke më thënë se do të ma hapë edhe faqen në Instagram. Isha pak e stepur, por e provova. Dhe, nga ai moment më besoni që kjo gjë u bë terapia më e qëlluar për shpirtin tim”.
Sot, Linda është një nga më të mirat e kësaj fushe dhe këtë e dëshmon puna e saj fantastike, e numri i madh i klientëve të kënaqur.
Linda tregon se si për ditëlindjen e saj e kishte dërguar në punë një tortë me mjedra që u kishte pëlqyer të gjjthëve dhe kështu kishin nisur porositë, duke ja shndërruar hobin në biznes.
Torta më speciale për të mbetet ajo për një djalosh tre vjeçar, i cili kishte shumë alergji, e që ishte tejet i kufizuar në ushqime. “Më thanë se voglushi kurrë nuk kishte ngrënë tortë, u emocionova dhe nuk mund të flija deri në përgatitjen e saj. E bëra më të miren time dhe ja arrita qellimin”.
Me këtë grua të zonjën e cila ka jetuar në disa vende të Evropes bashkë me familjen, duke përjetuar suksese e peripeci, flasim edhe për jetën e saj, ku na tregon se dikur ishte marrë me muzikë, e se kishte qenë aktive në shoqërinë “Jehona e Suharekes” bashkë me Remzije Osmanin, Shkurte Fejzen, Shyhrete Behlulin, Motrat Mustafa e Shpresa Berishen. Tregon se rruga e këngës u ndërpre për shkak të xhelozisë së ish bashkëshortit.
Zonja Linda thotë se ajo kohë e xhelozisë ja morri thuajse të gjitha, por jo edhe vullnetin për të punuar pa u ndal.
Kjo histori ka një fund të bukur, pasi sot Lindita Elshani është një grua dhe nënë e plotësuar, jeton lumturisht me tre fëmijët e saj dhe suksesi nuk i mungon as në punë e as në pasionin për të bërë torta të mrekullueshme.
- Porosia e saj për femrat është që të mos dorezohen asnjëherë, të punojnë dhe ta ndertojnë jetën ashtu siç ato kanë dëshirë.
