104
Vëllezërit Bashkim dhe Xhemajli Emini janë liruar nga mbajtja e padrejtë në Serbi.
Ata janë shëndoshë e mirë dhe janë duke u kthyer në Gjermani tek familjarët.
Lajmin e ka konfirmuar nipi i familjes, Ervin Hoxha.
“Në emër të familjes së dajve, familjes Emini po iu njoftoj se dy dajtë e mi Bashkim dhe Xhemajl Emini janë liruar nga mbajtja në Serbi, janë shëndoshë e mirë dhe janë duke u kthyer në Gjermani pranë familjeve”.
Një javë më parë ata ishin arrestuar në kufirin Serbi – Hungari, me pretendimin e pabazuar të autoriteteve serbe që Xh.E. dhe B.E. kanë rrëmbyer një serb më 1999.
