102
Avni Qenaj, ish-pjesëtar i Ushtrisë Çlirimtare të Kosovës, i arrestuar më 26 nëntor të vitit të kaluar në vendkalimin kufitar Merdare nga policia serbe, është liruar.
Lajmin për lirimin e Qenajt e ka konfirmuar avokati i tij Xhevdet Smakiqi.
“Është duke ardhur në Kosovë nën përkujdesjen e familjarëve pa asnjë mbështetje nga Qeveria”, ka thënë Smakiqi.
Qenaj ishte arrestuar në Serbi më 25 nëntor të vitit të kaluar. Atij i ishte gjetur një kartelë e veteranit të UÇK-së.
Sipas Ministrisë serbe për Punë të Brendshme, Qenaj në prill të vitit 1998 i është bashkuar shtabit lokal të UÇK-së për fshatin Romajë në Komunën e Prizrenit dhe se si pjesëtar i brigadës 138 “Agim Ramadani” ka marrë pjesë në Koshare në vitin 1999.
