Merita Gashi ikona e modës nga Peja sot feston ditëlindjen

Fusha e biznesit prej vitesh e ka bërë për vete edhe një nga femrat më të rafinuara, pejanen me stil unik, Merita Gashi.

“Botique By Merita” dihet që është adresa e parë e femrave që duan të shkëlqejnë e të duken në hap me kohën dhe trendet e fundit të modës.

Merita, e njohur për sharmin, stilin dhe elegancën, tashmë është një nga gratë afariste shumë të njohura në vend, kjo për shkak të butikut të saj me veshje ekskluzive.

Sot, është një ditë speciale për të, pasi feston ditëlindjen, për çka në faqen e saj në Instagram kanë vërshuar një mori mesazhesh me urime të përzemërta nga familja, miqtë dhe klientet e saj.

Ndryshe, Merita Gashi njihet si ikonë mode, pasi pamja dhe stili i saj janë “tjetër nivel”.