Kuvendi i Kosovës ka dështuar gjashtë herë që të kalojë Projektligjin për Rimëkëmbje Ekonomike, i cili u mundëson qytetarëve tërheqjen e 10 përqindëshit nga Trusti.
Ky projektligj do të dal në votim edhe të hënën. Por, a i ka Qeveria Hoti votat e nevojshme që ta kalojë?
Ministrja e Financave, Hykmete Bajrami, ka thënë se ata kanë mbledhur 61 vota për votimin e këtij projektligji.
“Janë 61 nënshkrime qe i ka mbledhur Grupi Parlamentar i LDK-së, pra ne 61 vota i kemi çdo herë në parlament”.
“Por, ka qenë mungesa e deputetëve për shkaqe të ndryshme një kohë e dini që kemi pasë disa deputet me COVID-19, mandej disa i kishim në udhëtime, ata të gjithë janë zotuar që të hënën do të jenë në Kuvend në ora 10:00 për të votuar ligjin për rimëkëmbje ekonomike”.
“Por, kjo nuk do të thotë që përfundon gjithçka, ligji të hënën kalon vetëm në lexim të parë. Më pas të gjithë deputetët e partive politike kanë mundësi të japin komente dhe sugjerime do të ketë edhe amandamente”, ka thënë Bajrami.
