Sipas ministres së Arsimit, Arbërie Nagvaci, Ligji i pagave nuk është ligj për rritje të pagave.
Nagavci në Prime Time tha vendime të tilla, për rritje të pagave janë marrë në të kaluarën në mënyrë të pabazuar në kohë fushate nga qeveritë e kaluara.
“Besoj që përfundimisht janë rënditur mirë punëtorët e arsimit, në raport me të punësuarit tjerë të sektorit publik. Janë larguar diferenca të mëdha në mes të zyrtarëve publik. Partitë opozitare kanë qenë në pushtet përpara nesh për vite me radh, e kanë lënë një sistem të pagave me pabarazi të mëdha. Ne dimë që dallime në sektorin publik janë evidente në sektor të ndryshëm. Ka pasur jo pak raste kur persona me kualifikim fillor kanë pasur pagë më të madhe në krahasim me ata me studime mastër, sepse kanë qenë pjesë e një sektori që ka pasur një miratim”, tha ministrja, Nagavci.
Pse po mbahet fshehtë vlera e koeficientit të pagave?
Ligji për Pagat në sektorin publik është dekretuar nga Presidentja Vjosa Osmani dhe pritet të hyjë në fuqi nga shkurti, por vlera e koeficientit që përcakton kush sa do të paguhet, ende s’është bërë e ditur.
Nga Qeveria s’është dhënë asnjëherë ndonjë shifër se sa do të jetë vlera, përveçse do të përcaktohet në janar.
