Një ngjarje e rëndë dhe mjaft e trishtë ka goditur së fundmi familjen e ish-konkurrentes së njohur të Big Brother VIP Kosova, Eliona Binakaj.
Gjatë ditës së sotme, familja i ka dhënë lamtumirën e fundit axhës së saj në një ceremoni të mbajtur në qytetin e Gjakovës, duke lënë pas një zbrazëti të madhe për të gjithë të afërmit. Në këto ditë të errëta ku prania e miqve ka vlerën më të madhe, vihet re se lidhjet e krijuara brenda shtëpisë më të famshme kanë rezistuar dhe funksionojnë edhe në botën e jashtme.
Prive By Liberta Spahiu ka mësuar se nga ish-konkurrentët e këtij edicioni, pikërisht tre prej tyre kanë qenë fizikisht të pranishëm pranë Elionës dhe familjes së saj në këtë moment delikat. Londrim Mekaj dhe Klodian Mihaj, dy nga djemtë me të cilët ajo ruajti një raport mjaft të ngushtë e plot besim gjatë rrugëtimit televiziv, kanë udhëtuar drejt Gjakovës për të ndarë dhimbjen dhe për t’i dhënë kurajo shoqes së tyre.
Atyre u është bashkuar menjëherë edhe Sasa.
Përveç pranisë së tyre të vyer në këtë ditë zie, djemtë bashkë me Sasën kanë shfrytëzuar edhe platformat e tyre në rrjetet sociale për t’i shprehur ngushëllimet publike familjes, duke dëshmuar se miqësitë e vërteta dinë të shkojnë shumë përtej një loje televizive. 
