Modelja e njohur ishte shtatzënë kur i’u nënshtrua operimit në gji

Chrisy Teigen dhe John Legend po presin fëmijën e tyre të tretë dhe këtë gjë e konfirmuan në videoklipin e ri të Legend.

Modelja para pak kohe i ishte nënshtruar një ndërhyrje kirurgjike në gjoks, por atë kohë nuk e dinte se ishte shtatzënë.

Në Twitter, një komentues e pyeti atë se si e kuptoi që ishte shtatzënë, ndërsa shkroi “Bëra testin e shtatzënisë para se të hyja në operacion. Tregonte se është negative, po nuk ishte”.

Ajo shton se çdo muaj ka bërë teste për shtatzëni, me shpresën që një ditë t’i dalë pozitiv dhe ashtu ndodhi.

“Pas shumë viteve, unë jam duke bërë testin e shtatzënisë pothuajse çdo muaj, duke u lutur që një ditë të jetë pozitiv. Fatmirësisht ashtu doli. Nuk kam pasur asnjë pozitiv më parë”.