Kanë nisur të përfliten edhe emrat e parë që do të jenë konkurrentë në formatin e njohur të “Big Brother Albania Vip”.
Deri tani janë zbuluar dy emra si konkurrente të mundshme për këtë spektakël. Bëhet fjalë për Kiara Titon dhe Jori Dellin.
Emri i tretë që shfaqi dëshirën për të qenë pjesë e reality-show-t është edhe Kejvina Kthella.
E ftuar në “Goca dhe Gra” ajo shprehu dëshirën për ta provuar si eksperiencë.
Ajo theksoi se publiku njeh shumë pak nga karakteri dhe personaliteti i saj, edhe si pasojë do të donte ta njihnin më shumë natyrën e saj sociale.
Burime për “Vip Magazine” bëjnë të ditur se modelja do të jetë pjesë e këtij formati.
Gjatë një interviste të dhënë më herët, moderatorja Arbana Osmani u shpreh se kasti i personazheve që do të marrin pjesë në “Big Brother Vip 2” do të jetë më i mirë se ata të sezonit të parë.