“Mollë sherri” një vajzë, vritet me plumb në kokë i riu shqiptar në Mykonos

Vritet një shqiptar në Mykonos. Një i ri grek ka vrarë me armë zjarri 34-vjeçarin shqiptar, identiteti i të cilit nuk bëhet i ditur, raportojnë mediat greke.

Ngjarja ndodhi në orën 6 të mëngjesit në një lokal në zonën e Skylabela.

Sipas të njëjtave informacione, 33-vjeçari më herët ishte përleshur me 34-vjeçarin shqiptar për një vajzë.

Pas përleshjes 33-vjeçari ka shkuar në shtëpi, ka marrë një pushkë dhe është kthyer në lokal ku ka qëlluar dhe vrarë me plumb në kokë shqiptarin.

Pas krimit, vrasësi është vetëdorëzuar në polici.