Shpallja fajtor i Hysni Gucatit dhe Nasim Haradinajt me nga 4 vjet e gjysmë burg dhe nga 100 euro gjobë, ka bërë që familjarët të shpërthejnë në lot.
RTK po ndjek nga afër këto moment në Skenderaj e Deçan.
Familjet thonë se ky është një vendim i padrejtë sepse dokumentet kanë rrjedhur nga Specialja.
Në aktgjykim të shpallur ndaj Gucatit e Haradinajt, atyre u llogaritet edhe koha e qëndrimit në paraburgim.
Xhejlone Haradinaj, bashkëshortja e Nasim Haradinajt deklaroi për RTK-në se e kanë pritur këtë dënim sepse po të ndodhte e kundërta do të befasohej.
Ajo tha se moment i rëndë ishte sidomos çasti kur gjykatësi u shpreh se ata dënohen në emër të popullit.
“Unë e kam ditur se do të ndodhë kjo. Por nuk jemi mërzitur sepse kur është atdheu në pyetje, jemi mësuar”, tha ajo.
E në familjen Gucati thanë se kanë pritur se do të ketë drejtësi por sipas tyre, kjo është një padrejtësi tjetër.
Familja Gucati si edhe ajo Haradinaj vazhdojnë të ndjekin seancën gjyqësore në Hagë.
Atje pritet të shpallet aktgjykimi ndaj Hysni Gucatit e Nasim Haradinajt.
Megjithatë, në fshatin marinë të Skenderajt, ku jeton familja Gucati, për shkak të motit të ligë, është ndërprerë energjia elektrike.
Familjaret vazhdojnë të përcjellin seancën nëpërmjet telefonit celular, ndonëse edhe ky shërbim nuk është pa ndërprerje.
Anëtarë të shumtë të OVL të UÇK-së janë duke e përcjellë seancën gjyqësore të dy drejtueseve të Organizatës së Veteranëve të Luftës së Ushtrisë Çlirimtare të Kosovës (OVL-UÇK), Hysni Gucati dhe Nasim Haradinaj.
Të sigurt në pafajësinë e tyre dhe me pritje për një aktgjykimi të drejtë , ata janë mbledhur në selinë e kësaj organizate në Prishtinë.
Nga aty, ata po ndjekin seancën në Hagë, e cila po transmetohet drejtpërdrejt në RTK.
Kjo është seanca e parë e Speciales, në të cilën do të shpallet aktgjykimi në lidhje me një rast që shqyrtohet nga kjo gjykatë.
Gjykata Speciale në Hagë sot pritet ta shpallë vendimin në rastin ndaj ish-krerëve të organizatave të dala nga lufta e UÇK-së, Hysni Gucati e Nasim Haradinaj. Pas një procesi 1 vjeçar të gjykimit, dhe pas dëgjimit të dëshmitarëve të prokurorisë e mbrojtjes, Dhomat e Specializuara në Hagë do ta japin verdiktin e parë që nga themelimi.
Familjaret e Gucatit jaën mbledhur në pritje të vendimit. Ata thonë se besojnë në lirimin dhe pafajësinë e tyre.
E Bija e Gucatit pret që Gjykata të marrë vendim të drejtë
Gjykata Speciale në Hagë sot pritet ta shpallë vendimin në rastin ndaj ish-krerëve të organizatave të dala nga lufta e UÇK-së, Hysni Gucati e Nasim Haradinaj.
Arjana Gucati i bija e Hysni Gucatit tha se presin që Gjykata të marrë vendim të drejtë
“Ne si familje jemi të emocionuar, si familje presim që drejtësi të marrtë drejtimin e duhur dhe ata të kthehen në Kosovë të lirë. Nga fillimi kanë pritur që të lirohen, edhe avokatët presin që vendimi të jetë i drejtë”, tha ajo para gazetarëve.
