Një situatë nga një koncert i Taylor Swift e ka bërë publikun të qeshë për shkak të ‘elektrizimit’ të flokëve të saj.
Teksa interpretoi këngën “I Knew You Were Trouble” në Stadiumin State Farm në Arizona gjatë fundjavës, fijet e flokëve të saj dukeshin se ishin ngritur nga elektriciteti statik.
Në koncertin në kuadër të turneut “The Eras”, fansat e saj fiksuan këtë moment viral që vërshoi rrjetet sociale. Në fakt, flokët e saj të elektrizuar u bënë hit në TikTok, pasi një fans publikoi një video nga koncerti.
Shumëkush fillimisht mendoi se flokët e saj ishin pjesë e kostumografisë, por rezultoi se kishte një problem me modelin, pra që flokët ‘iu elektrizuan’.
Kur xhirimi u përhap në rrjetet sociale, shumë njerëz filluan të bëjnë shaka me atë që i ndodhi këngëtares së famshme.
