Aktorja italiane Gina Lollobrigida ka vdekur në moshën 95-vjeçare, sipas agjencisë së lajmeve ANSA, transmeton Paparaci.
Ajo ishte një nga aktoret evropiane të profilit më të lartë të viteve 1950 dhe fillim të viteve 1960, duke luajtur përballë yjeve të Hollivudit duke përfshirë Humphrey Bogart, Rock Hudson, Burt Lancaster, Tony Curtis dhe Frank Sinatra.
Duke u nisur nga fillimet modeste, ajo u bë një nga fytyrat më të njohura të kinemasë italiane të pasluftës.
Një seks simbol ndërkombëtar – i rivalizuar vetëm nga aktorja tjetër italiane Sophia Loren – Lollobrigida ishte një nga yjet e fundit të mbetur të Epokës së Artë të Hollivudit.
Ish-avokatja e saj, Giulia Citani, tha se ajo vdiq në një klinikë në Romë, por nuk dha shkakun e vdekjes së saj, raporton Sky News.
