Të gjithë ëndërrojnë për një fund të lumtur me partnerin e tyre, por jo gjithmonë jeta shkon sipas planeve. Një nuse ka përjetuar një nga historitë më të dhimbshme të martesës, pasi bashkëshorti i saj e la vetëm një ditë pasi i kishin dhënë betimet para familjes dhe miqve.
Historinë e pazakontë e tregoi kushërira e nuses në platformën Reddit, duke rrëfyer se kishte qenë e pranishme në një dasmë madhështore mes dy të dashuruarve të fëmijërisë, të dy në mesin e të 20-ave. Sipas saj, çifti dukej si një histori perfekte dashurie, por ajo që ndodhi më pas u kthye në një paralajmërim për të gjithë ata që i njihnin.
“Fatkeqësisht, rasti që unë njoh ndodhi një ditë pas dasmës”, shkroi kushërira, shkruan Daily Star, transmeton Klankosova.tv.
Ajo tregoi se dasma kishte qenë e madhe, me më shumë se 250 të ftuar. Çifti ishte njohur që në kolegj, familjet e tyre ishin pjesë e të njëjtit rreth shoqëror dhe, për shkak të bindjeve fetare, ishte bërë shumë zhurmë rreth faktit se ata kishin “pritur” deri në martesë.
Por vetëm disa orë pas ceremonisë, gjithçka ndryshoi.
Teksa çifti ishte ulur në avion për të shkuar në muajin e mjaltit, dhëndri u kthye nga gruaja e tij dhe i tha vetëm: “Ky ishte një gabim.”
Më pas, sipas rrëfimit, ai u mbyll në vetvete dhe nuk foli më me të.
Kur mbërritën në Tahiti, nusja mori fluturimin e radhës për t’u kthyer në shtëpi, ndërsa burri dyshohet se qëndroi në suitën e muajit të mjaltit dhe kaloi kohën me gra të tjera.
Një muaj më vonë, ai u kthye duke kërkuar falje, por ajo nuk mundi ta kapërcente poshtërimin që kishte përjetuar. Gjatë asaj kohe, ajo ishte marrë me kthimin e dhuratave të dasmës, shkrimin e mesazheve falënderuese për të ftuarit dhe pasojat emocionale të ndarjes, ndërsa ai kishte vazhduar jetën e tij.
Sipas kushërirës, burri u justifikua duke thënë se “nuk ishte gati” dhe se ishte ndier “nën presion”.
Çifti më pas e anuloi martesën. Sot, takimet e tyre në eventet e ish-studentëve thuhet se janë tepër të sikletshme.
“Në fund, ajo është martuar përsëri dhe ka tre fëmijë të mrekullueshëm. Ndoshta ai thjesht i hapi rrugën personit të duhur në jetën e saj”, përfundoi kushërira.
Historia shërben si kujtesë se ajo që duket perfekte nga jashtë, mund të jetë krejt ndryshe pas dyerve të mbyllura.
