Pas më shumë se dy muajsh, rinis aktiviteti festar në të gjitha xhamitë e vendit. Komuniteti Musliman i Shqipërisë ka njoftuar rihapjen e gjithë xhamive shoqëruar me masat e reja që duhet të zbatohen nga çdo qytetar për të parandaluar përhapjen e Covid-19.
Përveç faktit që të gjitha xhamit duhet të dezinfektohen para se të vizitohen nga besimtarët, masat e tjera janë:
1- Marrja e abdesit në shtëpi
2-Mbajtja e maskës dhe dorezave
3-Çdo besimtar duhet të marrë me vete një sexhade personale
4-Gjatë ritualeve duhet të ruhet distanca fizike
5- Ndalohet përdorimi i tualeteve
6-Personat me simptoma nuk lejohen të hyjnë në xhami, po ashtu edhe ata me sëmundje kronike.
7- Nuk lejohen grupimet e moshave nën 12-vjeç si dhe mosha mbi 65-vjeç.
8-Hyrje-dalja në xhami të mos bëhet në grup.
