Në zgjedhjet parlamentare të cilat po mbahen gjatë ditës së sotme në Serbi, një shqiptar nga luginaPreshevës ka vendosur të votojë ndryshe.
Në kohën kur shqiptarët janë bashkuar në një listë, unitet ky i cili po cilësohet edhe historik, një qytetar nuk ka votuar për ta, por ka vendosur që në këtë listë, ndonëse e papranueshme, ta fus edhe Lëvizjen Vetëvendosje për të cilën edhe ka votuar.
Në fotografinë e siguruar nga KosovaPress, shihet se qytetari e ka shtuar në fund të listës akronimin e Lëvizjes Vetëvendosje, derisa fletëvotimit i ka bërë një X.
Në këto zgjedhje ashtu si vitet e kaluara, misioni i OSBE’së do të përfshihet në procesin zgjedhor në Kosovë, detyra e të cilit, përveç monitorimit të procesit zgjedhor, është transportimi i fletëvotimeve në Rashkë dhe Vranje.
Siç ka konfirmuar dje Zëvendës Drejtori i Policisë së Kosovës për Rajonin e Veriut, Besim Hoti, gjatë zgjedhjeve parlamentare serbe, policia do të ofrojë ndihmë për misionin e OSBE’së.
