Nëntë të infektuar trajtohen në Klinikën Infektive

Nëntë persona të prekur me Covid-19 janë duke marrë trajtim mjekësor në Klinikën Infektive të Qendrës Klinike Universitare të Kosovës (QKUK).

Këtë e bëri të ditur Sadije Ahmeti, mjeke kujdestare në Infektivë, duke shtuar se një pacientë është në gjendje më të rëndë.

“Për katër raste jemi në pritje që të pranohen në Klinikë. Tri pacientë janë me oksigjenoterapi”.

“Ndërsa, pacientja që është pranuar para një jave nga Rahoveci është në gjendje pak më të rëndë pasi është edhe me hemodializë”.

“Në Klinikën Infektive vazhdojnë të marrin trajtim edhe pesë pacientë që kanë rezultuar negativë në testimet e fundit për koronavirus”, tha Ahmeti për KlanKosova.