Universiteti i Vjenës aktualisht është duke kryer një studim për të analizuar reagimin imunitar tek njerëzit pas infektimit me coronavirus.
Rezultatet do të duhej të ndihmojnë për të kuptuar reagimin imunitar dhe kështu ta kenë më të lehtë të vendosin për një vaksinë, e në këtë studim kanë marrë pjesë personat që janë shëruar nga COVID-19.
“Studimi do të duhej të na ndihmonte të kuptojmë, nëse dikush prej këtyre pacientëve po zhvillon imunitet pas infeksionit. Gjetjet e studimit kanë për qëllim ndërtimin e një baze të fortë argumentesh dhe faktesh, për fillimin e zhvillimit të një vaksine”, ka deklaruar Rudolf Valenta ngas Qendra për Patofiziologji, Infektivë dhe Imunologji pranë Universitetit të Mjekësisë në Vjenë.
“Duhet të llogarisim faktin që virusi tani është i ngjashëm me gripin dhe se mund të vie deri te përsëritja e infeksionit”, ka shpjeguar Valenta.
Hulumtuesit nga Qendra e Patofiziologjisë, Infektivës dhe Imunologjisë, gjithashtu janë duke zhvilluar një test që do t’ua mundësojë të hulumtojmë nëse antitrupat mund të pengojnë lidhjen e virusit me qelizat pritëse, kurse planifikohet edhe hulumtimi për përgjigjen imunitare qelizore.
“Analiza do të jetë shumë komplekse dhe nuk do të jemi në gjendje që menjëherë t’ju themi të anketuarve nëse janë imunë apo jo”, ka shtuar Valenta.
Modeli për zbulimin e antitrupave në pacientët që ndërhyjnë në bashkëveprimin e viruseve dhe receptorëve, tregon se cila pjesë e virusit duhet të përfshihen në vaksinë.
“Nga alergjia dhe imunoterapia kemi marrë përgjigje se antitrupat mund të prodhohen me vaksinim”, ka thënë për fund Valenta.
Në më shumë se 100 projekte kërkimore që kanë të bëjnë me COVID-19, punonjësit e Universitetit të Vjenës po punojnë në zgjidhjet që do të kontribuonin në kontrollin pandemik: duke filluar nga simulimet, analizat e të dhënave, studimet epidemiologjike, kërkimet themelore bio-mjekësore, gjenetikës,teknologjis mjekësore e deri të studimet klinike dhe rezultatet.
