Ngrihet aktakuzë ndaj personit që tentoi vrasjen e gazetarit Alban Selimi

Vrasje e rëndë e mbetur në tentativë, është aktakuza e Prokurorisë e ngritur ndaj A.L., i cili sipas aktakuzës, përmes zjarrit të vënë në shtëpinë e redaktorit të RTK-së Alban Selimi, ka synuar vrasjen e tij dhe familjarëve të tij.

Lajmi është konfirmuar për RTKlive nga Laureta Ulaj, zyrtare për Informim në Prokurorinë Themelore në Prishtinë.

Ndryshe, A.L., është një person me të kaluar kriminale, i cili ishte dënuar edhe dy herë më parë për vepra të rënda penale.