Bashkësia Islame e Kosovës ka njoftuar se sot është nisur grupi i parë i myslimanëve për në haxh.
BIK thotë se në këtë grup janë 215 besimtarë nga Rahoveci, Kamenica, Drenasi, Peja, Klina, Deçani, Malisheva dhe Istogu.
Sot parashihet të niset edhe grupi i dytë, ndërsa grupet tjera udhëtojnë të hënën.
Këtë vit nga Kosova në haxh do të shkojnë 1576 besimtarë, teksa më i riu prej tyre është një 13-vjeçar.
Njoftimi i plotë:
Grupi i parë i besimtarëve myslimanë nga Kosova janë nisur sot drejt vendeve të shenjta për ta kryer haxhin.
Në përcjellje të tyre kishin dalë familjarë të shumtë, të cilët u uruan haxh dhe ibadete të pranuara.
Në këtë grup udhëtuan 215 besimtarë nga Rahoveci, Kamenica, Skenderaj, Drenasi, Peja, Klina, Deçani, Malisheva dhe Istogu.
Sipas udhëheqësve të Haxhit në Kryesinë e Bashkësisë Islame të Kosovës, sot parashihet që të udhëtojë edhe grupi i dytë, ndërsa grupet e tjera do të udhëtojnë të hënën.
Këtë vit nga Kosova drejt vendeve të shenjta do të udhëtojnë 1576 besimtarë, teksa më i riu prej tyre është një 13-vjeçar.
https://www.facebook.com/birk2015/posts/859221356243568?ref=embed_post
