Rreth orës 01:20, ka ndodhur një shpërthim në një shtëpi në fshatin Dobrigje të Gjakovës.
Rastin për Indeksonlinen e ka konfirmuar zëdhëndës polici për rajonin e Gjakovës, Sheremet Elezaj, ku njoftoi se si pasojë e shpërthimit një 20-vjeçar ka pësuar lëndime të rënda.
Elezaj, njoftoi se viktima, aksidentalisht ka shkaktuar shpërthimin e mjetit në shtëpinë e tij.
”Sot, rreth orës 01:20, një mashkull rreth 20 vjeç është dërguar për trajtim mjekësor si pasojë e lëndimeve të rënda të shkaktuara nga një mjet shpërthyes. Menjëherë në vendngjarje kanë dalë të gjitha njësitë relevante policore dhe sipas hetimeve fillestare, dyshohet se viktima, aksidentalisht ka shkaktuar shpërthimin e mjetit në shtëpinë e tij, në fshatin Dobrigje-Gjakovë. Për rastin është njoftuar prokurori i shtetit, në konsultim me të cilin është iniciuar rast “shkaktim i rrezikut të përgjithshëm”, ka thënë Elezaj.
