Infermierja e cila ishte duke u kujdesur për pacientët me koronavirus, pretendon se kur ajo kërkoi të veshin pajisjet mbrojtëse, menaxheri i saj mohoi kërkesën.
Imaris, 30-vjeçare, aktualisht jeton me motrën e saj Sabrina e cila ka një sëmundje të rrallë të gjakut, e cila e vë në rrezik jetën e saj nëse është e infektuar nga COVID-19, transmeton lajmi.net.
Ajo postoi një video emocionuese më vonë për 6000 ndjekësit e saj.
Në përmbytje të lotëve ajo tha: “Unë u largova nga puna sot, kam dashur të punoj dhe më caktuan një pacient me Covid-19, asnjëra nga infermierët nuk kanë veshur maska, madje as maska kirurgjikale në korridoret kur ata janë duke i dhënë raporte njëri-tjetrit”.
“Unë kisha maskën time, i thashë menaxherit tim që e kuptoj që ne nuk kemi furnizime, por më lër të mbroj veten, më lër të ndihem e sigurt. Unë kam familje duhet të kthehem në shtëpi, por maskat nuk u dhanë për infermierët që të mbroheshin nga infeksioni”.
Videoja, e postuar të hënën në mbrëmje, u bë virale dhe ka marrë gati 80,000 shikime.
Duke folur ekskluzivisht me DailyMailTV, Imaris tha: “Unë e di që kam nevojë dhe dua të ndihmoj, por ndjehem sikur kërkon koston e jetës sime të familjes time dhe kjo është e papranueshme”.
Imaris e cila ishte një infermiere e kujdesit kritik për katër vjet pas mbarimit të kolegjit, tha se ajo ‘bëri një betim’ për t’i kushtuar jetën e saj për të ndihmuar dhe shëruar pacientët.
Por ajo thotë se ka presion ndaj stafit që të bëjnë punën e tyre pa bërë pyetje. “Unë do të thoja që ka 100% tension në ajër, infermierët dhe ofruesit e kujdesit shëndetësor janë të frikësuar”, shpjegoi ajo.