Çifti Urim dhe Alisa iu bënë banorëve një shaka.
Alisa kërkoi vëmendjen e të gjithëve ku u shpreh se ajo ishte shtatzënë.
Pak momente pas shakasë, Alisa tregoi të vërtetën, duke zhgënjyer disi banorët, por Gjoni pati një reagim më shpërthyes.
“Është shaka me nivel 0.0 shije. Nuk bëhen shaka me vdekje dhe lindje. I urrej njerëzit që duan të bëjnë gjithçka për pak vëmendje”, -tha mes të tjerash Gjoni, i cili sa i përket Alisës, u shpreh se i ka humbur respekti për të.
Më tej debati ka vijuar ku ai pati një diskutim me partnerin e Alisës, Urimin, ku ky i fundit i tha se nuk duhet të shprehet ashtu pasi “të mos flasë ashtu me të” sepse “nuk e njeh kur nervikoset.”
Në një tjetër diskutim në oborr Gjoni ka vijuar me reagimet e tij, madje në një moment tha se “do të ikë nga shtëpia.”
Nga ky reagim u irritua Stresi, i cili u nis nga një deklaratë e Gjonit, ku tha se “nuk bie në nivelin e tyre”, dhe reperi iu kundërpërgjigj duke thënë se “Kush është Gjoni të më tregojë mua disnivelet”.
