23 nga 30 personat e shtrirë në Klinikën Infektive në QKUK janë të prekur me koronavirus.
Sipas Zëdhënësit të Ministrisë së Shëndetësisë, Faik Hoti, 15 pacientë janë në gjendje stabile dhe pesë raste janë duke u trajtuar në repart me oksigjenoterapi dhe përkujdesje intensive.
“Në repartin e Mjekimit Intensiv janë duke u trajtuar 3 raste prej të cilëve 2 raste janë në gjendje shumë të rëndë ndërsa 1 rast është në gjendje kritike”, thuhet në raport.
“Jemi në pritje të rezultateve për 7 raste”.