Një burrë është hedhur nga një aeroplan i cili po fluturonte drejt aeroportit të Los Anxhelosit, pas tentimit për të hyrë në kabinën e pilotit.
Personi i cili ka mbetur anonim, më pas kishte hapur derën e aeroplanit duke u hedhur, ka thënë Administrata Federale e Aviacionit (FAA).
Ai ishte kapur në pistë më pastaj është dërguar në spital me disa dëmtime.
Ekuipazhi i këtij fluturimi njoftoi se pasagjeri u ngrit nga ulësja e tij derisa aeroplani po i afrohej pistës dhe kishte goditur derën e kabinës para se të dilte nga aeroplani përmes derës së urgjencës, raporton BBC, shkruan Klankosova.tv.
Përndryshe raste të tilla të incidenteve në fluturimet në SHBA, raportohet se janë në rritje, duke u regjistruar rreth 3,000 të tilla vetëm brenda këtij viti.
E rreth 394 raste të tilla të ndërhyrjes në detyrën e ekuipazhit janë raportuar që nga 25 maji, vetëm gjatë fluturimeve me këtë agjenci.
Ndërkohë, autoritetet kanë nisur një hetim për incidentin dhe motivet e pasagjerit, për atë së çfarë e shtyri atë ta kryente këtë veprim.
