Një ton mariuhanë në Pejë, gjykata merr vendim për të arrestuarin

Dje Prokuroria e Pejës ka zhvilluar një aksion anti-drogë.

Në të është sekuestruar drogë në vlerë rreth pesë milionë euro.

Gjatë këtij aksioni është arrestuar njëri nga të dyshuarit. Ai është shtetasi i Shqipërisë, Aleks Gërbi.

Ndërkaq edhe nëntë të dyshuar të tjerë janë në arrati.

Grupi akuzohet për kryerjen e veprës penale “Kultivimi i bimës së hashashit, shkurres së kokainës ose bimëve të kanabisit” si dhe “Blerja, posedimi, shpërndarja dhe shitja e paautorizuar e narkotikëve, substancave psikotrope dhe analoge”.

Insajderi mëson së ndaj Gërbit është caktuar masa e paraburgimit për 30 ditë.

Është miratuar kërkesa e prokurorit Ersan Qavolli, i cili ka udhëhequr këtë operacion.