Një ngjarje e rëndë ka ndodhur mbrëmjen e së premtes në Korçë, ku një 18-vjeçar ka mbetur i plagosur në kokë, i dyshuar se është goditur me mjet prerës nga njerku i tij.
Rreth orës 21:55, i riu me inicialet A. S. është paraqitur në Spitalin Rajonal të Korçës me dëmtime në kokë, shkruan vizionplus.tv, transmeton klankosova.tv.
Sipas të dhënave paraprake, ai është plagosur gjatë një konflikti për motive të dobëta me njerkun e tij, shtetasin N. B., 37 vjeç.
Pas ngjarjes, autori i dyshuar u largua nga vendi i konfliktit, por falë reagimit të menjëhershëm të shërbimeve të Policisë u bë i mundur lokalizimi, kapja dhe shoqërimi i tij në Komisariat për kryerjen e veprimeve procedurale.
Grupi hetimor, nën drejtimin e Prokurorisë, po vijon hetimet për zbardhjen e plotë të rrethanave dhe dokumentimin ligjor të ngjarjes.
