Temperaturat e larta në vend kanë bërë që edhe vatrat e zjarreve të ndizen lehtë, duke rrezikuar kështu jo vetëm pronën e qytetarëve por në shumë raste edhe vetë jetën e qytetarëve, raporton Gazeta Sinjali.
E një zjarr i tillë ku shihet një shtëllungë e madhe tymi ka ndodhur sot në një punëtori të materialit shkollor në Miradi të Fushë-Kosovës.
Por sesi ka ardhur deri të shkaktimi i zjarrit të kësaj depoje ende nuk dihet, megjithatë është konfirmuar se nuk ka pasur persona të lënduar.
Lajmin e ka konfirmuar edhe Policia e Kosovës, ku ka konfirmuar se nga zjarri nuk ka persona të lënduar.
Zëdhënësja e Policisë, Flora Ahmeti, ka thënë se një objekt në Miradi të Fushë Kosovës është përfshi nga zjarri por nuk ka persona të lënduar.
“Sot rreth orës 12:00, është raportuar se në fshatin Miradi të Fushë Kosovës, një objekt (depo) është përfshirë nga zjarri. Policia dhe zjarrfikësit menjëherë ka dalë në vendin e ngjarjes. Përveç dëmeve materiale nuk raportohet për persona të lënduar.”
