Nuk u mbijetoi plagëve nga aksidenti, vdes i riu nga Klina

Ka ndërruar jetë Bajram Arfiaj nga fshati Shtupel i Klinës, rreth dy javë pasi ishte përfshirë në një aksident trafiku në fshatin Jashanicë.

Pavarësisht trajtimit mjekësor, i riu nuk ka arritur t’u mbijetojë plagëve të marra në aksident.

Lajmin për vdekjen e tij e kanë bërë të ditur familjarët përmes njoftimeve në rrjetet sociale.

“Të pushoftë shpirti në xhenet. Ishe personi më i urtë e më i dashur në rrethin tonë familjar. Do të të kujtojmë gjithmonë”.