Jonida Maliqi është nga ato personazhe që është treguar gjithmonë hermetike për sa i përket jetës private, sidomos kur bie fjala tek djali i saj i vetëm, Dani.
Mirëpo, këtë Krishtlindje që përkon edhe me ditëlindjen e Danit, Jonida na ka treguar fotografinë e tij dhe na ka emocionuar me një dedikim për të.
“Ti je dhurata më e çmuar që më bekoi Zoti, nuk e ke idenë sat ë dua dhe se pa ty ekzistenca ime do të ishte e kotë”, – shkruan Jonida. “Që kur u bëre pjesë e jetës sime ndiej më fort lumturinë, frikën, dashurinë e dhimbjen. Jeta ime më kalon para syve si një film me metrazh të shkurtër për çdo vit të ditëlindjes tënde. Të dua drita e syve të mi!”. – përfundon këngëtarja dhe influencerja e njohur.
Edhe ne i bashkohemi urimeve të miqve dhe ndjekësve të Jonidës për Danin e vogël.